කුඩා කැත කෙල්ලකව සිටි එකළ!!!

ඔවුහු මා සොයාගත්හ 

සෙල්ලම් පිටිවල,පොත් මේස ළඟ 

කුඩා වන ලැහැබ්වල 

තාරුකා නරඹමින් සිටිනතර 

ගීතිකා ගයමින් රඟනතර 

කුඩා කැත කෙල්ලකව සිටි එකළ 

ආයාසයෙන් තොරව.

මම මා සොයමි දැන් 

අතහැර දැමූ කන්දක

මගහැර සැඟවුණු සටනක 

අඩක් ලියැවුණු කවියක

මඳක් හිස්වුණු මී විතක 

හුදකළා ඉසව්වල,ප්‍රෙහෙලිකා අතර 

ලයිට් බිල් ගෙවන තැන්වල,තොග බඩු කඩවල. 

අතුරුදන් වී ඇත 

මා වැනි කෙනෙක් 

හමුවෙන්න බියෙන් 

මට!