Sunday, January 10, 2021

අතහරිමි.




අන්තිමම දිනයටත්
මුණ ගැහෙන්නට පැමිණ
ඔබේ අත අතහරිමි.

පමණටත් වැඩියෙන්
බොරු විහිළුවක් කර
හඬනගා හිනැහෙමි.

එයින් පසුවත්
මල් පිපෙණු ඇත ,රළ නැගෙනු ඇත
ඒ දනිමි.

එක් වරක් පමණක් ඔබ විසින් දිගුකළ
දස දහස් වාරයක් මා සිතින් පෙම්කළ
ඔබේ මුදු සුමුදු අත
අත්හරිමි.

ඔබ තවම ඔබමද ?

 


තව නොබෝ දිනකින්
නොදිළී ඉන්න හිතුනම
උල්කාවක් වගේ
ඔබ මත පතිත වෙන්නද?
සුන්බුන් වූ හදවත
අත්ලට රැගෙන හෙමිහිට
නැලවිල්ලක් කියා
තුරුළු කර සනහනවද?
සංසාරයේ ගමන
මෙතෙකින් නිම හෙයින්
අන්තිම වතාවටවත්
මට ඉඩක් දෙනවද?

 

ඔබ තවම ඔබමද ?
මා තවම ඔබගෙද ?
එහෙම නැත්නම් මම
අන් දෙසක සොහොන් වෙන්නද?