Sunday, September 23, 2018

ඇපල් අඩ!

.

පිරියක් නොමැති හැටි 
මිහිරි ගීයක් අහන්නට 
ප්‍රේමය සුසර කරවන 
වදනක් හෝ දොඩන්නට 

කාළ වර්ණ රකුසෙකු මෙනි 
ගැඹුරු නිහඬතාවය 
හුස්මක හඬ පවා 
තබා ඇත ඝනී භවනය කර.


අවේලාවේ වැසි වැටුණි 
ඔබ ඇවිත් ගිය අඩි ලකුණු සේදුනි
හර්දයේ පැල්මට පවා 
ගැඹුරු මැහුම් යෙදුනි.
දැන් ඉතින් සියල්ල යහපති 
පාපයේ සළකුණු මැකුනි .
එහෙත් පුන්‍යවන්තයෙනි 
ඇපල් අඩ සොයා මහද වැළපිණි .

දිගටම දිගටම දිගටෝම!

.
හැම දිනකම 
හැම රැයකම 
අවේලාවේ අවදිවී 
දෙසවන් යොමා අසා හිඳිමි.


නුබ ගැබ දුක් කඳුළු මෙන් 
තාරුකා දැල්වී ඇත 
ඉතාම සියුම් හඬකින් 
ඔබ හුස්ම ගන්නවා ඇත .


නිදි වරා දුක් දරා 
තවත් වෙහෙසී පලක් නැත 
නාඬන්න රත්තරං 
ඔබ කියනවා වැනි මට.


ඔබේ පොරෝනාවද පවා 
සීතලෙන් ඇකිලී ඇත 
වලාකුළු සයුරට මැදිව 
සඳ සිය පහන් නිමනු ඇත.


දැන් ඉතිං කළුවරයි 
දිගටම දිගටම දිගටෝම.