.
මේ ඒ සුළඟමයි
කෙසෙල් කොළ කීතු කීතු කර පැන දුවන
කුසුම් සිඹ සුවඳ පමණක් අරන් ගෙට එබෙන
කියඹු වැල් අවුල් කර සියුම් කිති ගන්වන
සුළඟමයි මේ ඒ රස මතක අවුළන .
පොකුණුවල රැළි සදන
දුහුල් සළු මෑත්කර
තරුණියන් වසං කළ
සුදු දෙපා පෙන්වන
ඔන්චිල්ලා පවා ඉබේටම නටවන
මේ ඒ සුළඟමයි මට මතක විදියට.
සෙල්ලම් ලී අසුන්
නිරන්තරයෙන් පද්දන
සිප්පි කටු රැගෙන එන්නැයි
මහ මුහුද කළඹවන
සංගීත සංධ්වනියකි රාව නංවන
මේ ඒ සුළඟමයි ඔබට මතකද?
එක්තරා දවසක
මෙවන් සුළඟැති සවසක
සීතලදැයි අසා
තුරුළු කරගත් මොහොතක
සිහිනෙන් මෙන් ඇසුන
සංගීතයක් විය
ඒ මේ සුළඟමයි
කොතරම් උණුසුම්ද මතකය.
සුළග බියකරු මුත් වරෙක ..... හැගුම් දහසක් ජනිත කරවිය.....
ReplyDelete