Thursday, June 26, 2014

ඔබ පිපී හිඳිතැයි සිතා!!!

.....ඔබ.....

දිළී හිඳිතැයි සිතා 
ඝන රැයක 
තරු ගනිමි.

පිපී හිඳිතැයි සිතා 
අතු පතර 
ඉව කරමි.

එතී හිඳිතැයි සිතා
මඳනළක 
එහි වෙළෙමි .

යළිත් ඒයැයි කියා 
කැඩපතට 
බොරු කියමි.
Posted by at

4 comments:

  1. වැහිළිහිණිJune 26, 2014 at 9:09 AM

    සැගව හිදිතැයි සිතා
    කදුළු බිදු
    තුල සොයමි .
    හරිම අගෙයි .........

    ReplyDelete
  2. UnknownJune 26, 2014 at 9:51 AM

    සිනාසෙතැයි සිතා
    තනිව ම මම
    සිනානෙමි.

    මා අසලයි සිතා
    දෑත් විහිදා
    වැළඳගමි.

    කවිය නම් හරිම අගෙයි... ඔබේ නිර්මාණ වල තියෙන අනන්‍යතාවට ප්‍රිය කරමි...

    ReplyDelete
  3. බස්සි (Yash)June 26, 2014 at 11:05 AM

    මම

    සඳ කිණිත්තක
    වෙලී ආයෙමි
    තරු අතර ඔබ
    අතරමං

    දිය කඩිත්තක
    පිපී උන්නෙමි
    අතුපතර ඔබ
    අතරමං

    කුරුළු ගීයක
    එතී ආයෙමි
    මදනලක ඔබ
    අතරමං

    කඳුලු කැටයක
    ගිලී උන්නෙමි
    ඔබ සෙමෙන්
    පිහදානකං

    :P

    ඔන්න ඕකලු උනේ...

    ReplyDelete
  4. rasiJune 26, 2014 at 3:30 PM

    ගොඩක් ස්තුතියි හැමෝටම.ඔයාලගෙත් කවි රස විඳින්න මම කැමතියි.

    ReplyDelete

Subscribe to: Post Comments (Atom)