ස්තූතියි මයිකල්!!

.

ස්තූතියි මයිකල් 

එදා ඉඳන් අද වෙනකං 

ඉවසා සිටියාට මං .

රෙදි වැලට රෙදි දැම්මාට 

ගේ අතුගාන කොට 

බර පුටු උස්සා අයින් කලාට 

ඉඳහිට බුම්මන් හිටියාට 

ස්තුතියි මයිකල් 

මා දරා හිටියාට.

අහු නොවෙන බොරු කිව්වාට 

යාළුවන් සමග සාද දැම්මාට

රෑ වෙලා ගෙදර ඇවිදින් 

නොබීපු මිනිහ වගේ උන්නාට 

ස්තුතියි මයිකල් 

මෙතෙක් මා සමග රැඳුනාට.

හිතින් තැන තැන සැරුවාට 

කැමති තැන්වල රැඳුනාට 

කිසිදාක ඒ හෙළි නොකලාට 

මං දන්නවා මයිකල් 

හුඟක් පිරිමින්ට වැඩියෙන් 

ඔයා හොඳ බව හැමදාම.