.
අනවසරයෙන් ගෙට පනින
උතුරු දිග සිහිලැල් සුළඟ
නිරතුරුව මතක් කරදෙයි
මගේ දෑසේ පටු බව.
දුර ඈත කොදෙව්වල
හමු නොවූ මිතුරන්ද
නොගිය මං මාවත්ද
තව බොහෝ ඇති බව.
පහන් දැල්වෙන නිවෙස් තුළ
නවකතාවල චරිත ඇති බව
පල්ලිවල පන්සල්වල
ඝණ්ඨාර නද දෙන බව
මෙතෙක් පෙම් නොකළ පෙම්වතුන්
මඟ බලා සිටිනා බව
මෙතෙක් පා නොතැබූ කඳුවල
වර්ණවත් මල් පිපෙන බව
උඩු සුළඟට හසුව
සියොතුන් පාව යන බව
මගේ ජීවිතය බැඳගත්
මුදුන් මුල් තිබෙනා බව
අනවසර උතුරු සුළඟ
මතක් කර දෙයි නිතරම!!!!
No comments:
Post a Comment